• ပေႃးဢမ်ႇယူႇလီ လုၵ်ႈၸၢင်ႈမီးသုၼ်ႇယွၼ်းလိုဝ်ႈလႆႈ၊ပေႃးလိုဝ်ႈ3ဝၼ်းထပ်းၵၼ် ၼႆ တေလႆႈၼႄ ဝႂ်ႁပ်ႉႁွင်းမေႃယႃ၊ ပေႃးဢမ်ႇၼႄလႆႈ တေလႆႈသပ်းလႅင်းလွင်ႈတၢင်း(မိူၼ်ၼင်ႇပဵၼ်ၽေးၵိုင်ႉၵၢင်ႉ) ႁႂ်ႈၼၢႆးၸၢင်ႈပွင်ႇၸႂ်။
• ၶႂၢင်ႉလိုဝ်ႈၵၢၼ်သုၼ်ႇတူဝ် (ႁဵတ်းဝတ်းဝႂ်၊ ၶႅၵ်ႇလီပၢင်ၸႃႉၸၵႂႃႇ) ၼိုင်ႈပီလိုဝ်ႈလႆႈ 3ဝၼ်း(ဢိင်ၼိူဝ်တီႈႁဵတ်းၵၢၼ်၊ ၶေႃႈတူၵ်းလူင်းတင်းၼႆၢးၸၢင်ႈသေ ၸၢင်ႈဢဝ် လႆႈၼမ်သေ3ဝၼ်း)။
• ၶႂၢင်ႉလိုဝ်ႈၵိူတ်ႇလုၵ်ႈ လိုဝ်ႈလႆႈ 98 ဝၼ်း ဢမ်ႇၼၼ် 3လိူၼ် (ႁူမ်ႈၵွၼ်ႇၵိူတ်ႇ လႄႈ လင်ၵိူတ်ႇလုၵ်ႈ) လူၺ်ႈလႆႈႁပ်ႉငိုၼ်းလိူၼ်တဵမ်တဵမ်ထူၼ်ႈထူၼ်ႈ (ၵေႃႉပဵၼ်ပေႃႈ လိုဝ်ႈလႆႈ 30 ဝၼ်း ဢမ်ႇၼၼ် 1 လိူၼ်)။
• လုၵ်ႈၸၢင်ႈမီးသုၼ်ႇယွၼ်းလိုဝ်ႈၵၢၼ် တႃႇၶဝ်ႈႁူမ်ႈပၢင်သွၼ် ပၢၼ်ၽိုၵ်းၽွၼ်ႉ ၽိူမ်ႉထႅမ်ၼမ်ႉၵတ်ႉ ၵူၺ်းၵႃႈ တေလႆႈလၢတ်ႈလူင်ႈၼႃႈ 7 ဝၼ်း။

3) ၶၢဝ်းယၢမ်းႁဵတ်းၵၢၼ်

• ၶၢဝ်းယၢမ်းႁဵတ်းၵၢၼ် ၼိုင်ႈဝၼ်းတေဢမ်ႇလႆႈပူၼ်ႉ 8 ၸူဝ်ႈမူင်း။
• ၸွမ်းၼင်ႇလႆႈတူၵ်းလူင်းၵၼ်ဝႆႉ ၵူၺ်းၵႃႈၼိုင်ႈဝူင်ႈတေဢမ်ႇလႆႈပူၼ်ႉ 48 ၸူဝ်ႈမူင်း။
• သင်ပဵၼ်ၵၢၼ်ယၢပ်ႇ မီးၽေးၼမ် (ၵၢၼ်ၼႂ်းထမ်ႈ ၸႂ်ႈၼမ်ႉ၊ တႂ်ႈလိၼ်၊ ၶုတ်းမေႃႇလိၼ် လႄႈ ၵၢၼ်ဢၼ်သၢႆလႅင်းဢမ်ႇပဵင်းပေႃး) ၼႆၸိုင် ၼိုင်ႈဝၼ်း တေဢမ်ႇလႆႈပူၼ်ႉ 7 ၸူဝ်ႈမူင်း။

4) ၶၢဝ်းယၢမ်းလိုဝ်ႈ

• ၼိုင်ႈဝၼ်းလိုဝ်ႈလႆႈ 1 ၸူဝ်ႈမူင်း၊ လိုဝ်ႈလႆႈမိူဝ်ႈႁဵတ်းၵၢၼ်မႃးယဝ်ႉ 5 ၸူဝ်ႈမူင်း။
• ၸွမ်းၼင်ႇတူၵ်းလူင်းၵၼ်မိူၼ်ၼင်ႇဝၢႆးသေႁဵတ်းၵၢၼ်မႃးယဝ်ႉ 1-2 ၸူဝ်ႈမူင်း တေလိုဝ်ႈၸူဝ်ႈၵႅပ်ႉၵမ်း ဢမ်ႇၼၼ် 15 ၼႃးထီး။
• ပေႃးပဵၼ်လၢၼ်ႉၶၢႆၵုၼ်ႇတႄႉ ၼၢႆးၸၢင်ႈၵေႃႈဢမ်ႇလႆႈၸတ်းပၼ်ၶၢဝ်းယၢမ်း တႅတ်ႈတေႃးလႄႈ မိူဝ်ႈမီးၵၢၼ်ၵေႃႈႁဵတ်း မိူဝ်ႈဢမ်ႇမီးၵေႃႈလိုဝ်ႈၵေႃႈလႆႈ။
• သင်လႆႈႁဵတ်းၵၢၼ်ဢူဝ်ႊထီ (OT) သွင်ၸူဝ်ႈမူင်းၼႆၵေႃႈ လုၵ်ႈၸၢင်ႈလိုဝ်ႈလႆႈ ဢမ်ႇဢေႇသေ 20 ၼႃးထီး။

5) ႁဵတ်းၵၢၼ်ၼႂ်းဝၼ်းလိုဝ်ႈ/OT

• ၵၢၼ်ႁဵတ်းၵၢၼ် ပူၼ်ႉၶၢဝ်းယၢမ်း လႄႈ ႁဵတ်းၵၢၼ်ၼႂ်းဝၼ်းလိုဝ်ႈ
• ပေႃးတေႁႂ်ႈလုၵ်ႈၸၢင်ႈႁဵတ်းၵၢၼ် ပူၼ်ႉၶၢဝ်းယၢမ်း ၼၢႆးၸၢင်ႈတေလႆႈလၢတ်ႈလူင်ႈၼႃႈ လႄႈ လုၵ်ႈၸၢင်ႈၵေႃႈ ယွမ်းႁဵတ်း။
• သင်ပဵၼ်ၵၢၼ်ႁိပ်ႈၼႅတ်ႈ၊ ၵၢၼ်ႁူင်းႁႅမ်း၊ ၵၢၼ်ၶၢႆၶူဝ်း၊ ၶၢႆၼမ်ႉ လႄႈ ၵၢၼ်တီႈႁွင်ႈယႃႁူင်းယႃၼႆတႄႉ ႁဵတ်းလႆႈယူႇ ၵူၺ်းၵႃႈ ၶၢဝ်းယၢမ်းႁဵတ်းၵၢၼ် ၼိုင်ႈဝူင်ႈ တေဢမ်ႇလႆႈပူၼ်ႉ 36 ၸူဝ်ႈမူင်း။

6) ၵႃႈၸၢင်ႈ/ၵႃႈႁႅင်း

• ႁဵတ်းၵၢၼ်ၼိုင်ႈဝၼ်း 8 ၸူဝ်ႈမူင်း၊ လုၵ်ႈၸၢင်ႈ တေလႆႈႁပ်ႉၵႃႈၸၢင်ႈ ဢမ်ႇဢေႇသေ ၵႃႈၸၢင်ႈၶၼ်ႉတႅမ်ႇ။
• ပေႃးဝႃႈႁဵတ်းၵၢၼ်ၼႆ ၵႃႈၸၢင်ႈၼၼ်ႉ တေလႆႈၸၢႆႇပဵၼ်ငိုၼ်းၵူၺ်း။
• သင်ၸိူဝ်ႉဝႃႈ မီးၵၢၼ်ႁိပ်ႈၼႅတ်ႈ ၼႂ်းဝၼ်းလိုဝ်ႈၼႆ ပေႃးလုၵ်ႈၸၢင်ႈ တူၵ်းလူင်းႁဵတ်းၸိုင် တေလႆႈၵႃႈႁႅင်းဢမ်ႇဢေႇလိူဝ်သေၼိုင်ႈပုၼ်ႈၶွင်ဝၼ်းႁဵတ်းၵၢၼ်။
• သင်ဝႃႈႁႅင်းၵၢၼ်လႆႈၵႃႈႁႅင်းၼႂ်းဝၼ်းလိုဝ်ႈသေ ႁႅင်းၵၢၼ်လႆႈႁဵတ်းၵၢၼ်ယူႇၼႆၸိုင် ႁႅင်းၵၢၼ်မီးသုၼ်ႇလႆႈၵႃႈႁႅင်း ၽိူမ်ႉထႅင်ႈၼိုင်ႈပုၼ်ႈ။
• ႁႅင်းၵၢၼ်ဢမ်ႇမီးၵႃႈၸၢင်ႈၼႂ်းဝၼ်းလိုဝ်ႈ သင်ႁႅင်းၵၢၼ်သမ်ႉႁဵတ်းၵၢၼ်ၼႆၸိုဝ်ႈ မီးသုၼ်ႇလႆႈႁႅင်းသွင်ပုၼ်ႈ။
• သင်ဝႃႈၼႂ်းဝၼ်းလိုဝ်ႈၼၼ်ႉ ႁႅင်းၵၢၼ်လႆႈႁဵတ်းၵၢၼ် ပူၼ်ႉၶၢဝ်းယၢမ်း(OT)ၼႆ ႁႅင်းၵၢၼ်မီးသုၼ်ႇလႆႈၵႃႈႁႅင်း တီႈဢေႇသုတ်း 3 ပုၼ်ႈၶွင် ၼႂ်းၵႃႈႁႅင်းၼိုင်ႈၸူဝ်ႈမူင်း။

Supported by