မိူဝ်ႈဝၼ်းထီႉ 31/10/2026 ပူၼ်ႉမႃးၼႆႉ ႁူင်းပွႆႇသဵင်မႅပ်ႇရေႇတီႇဢူဝ်ႇ FM 97.5 MHz ၵဵင်းမႆႇ ႁဝ်းၶႃႈ လႆႈၸတ်းႁဵတ်းပၢင်သွၼ် “လပ်ႉၼမ်ႉၵတ်ႉၽူႈၸတ်းလၢႆးၵၢၼ်” တီႈႁူင်းလႅမ်း Holiday Garden ၶၢဝ်းယၢမ်း 9:00 မူင်းထိုင် 5:00 မူင်း မီးၽူႈၸတ်းလႆၢးၵၢၼ် ႁူင်းပွႆႇသဵင်မႅပ်ႇရေႇတီႇဢူဝ်ႇၶဝ်ႈႁူမ်ႈ မွၵ်ႈ 20 ၵေႃႉ။
ပၢင်သွၼ်ပွၵ်ႈၼႆႉ ၸႆၢးယီႈၽူင်းမိူင်း (ၽူႈၵုမ်းထတ်း ၸုမ်းၶၢဝ်ႇၽူႈတွႆႇႁွၵ်ႈ) လႄႈ ၸႆၢးသႅင်မိူင်း မင်းၵွၼ်း ၽူႈၵွၼ်းႁူင်းပွႆႇသဵင်မႅပ်ႇရေႇတီႇဢူဝ်ႇမႃးဢုပ်ႇဢူဝ်းလႅၵ်ႈလၢႆႈ။ ၼႂ်းပၢင်သွၼ်ၼႆႉ လႆႈဢုပ်ႇဢူဝ်းလႅၵ်ႈလၢႆႈ လွၵ်းလၢႆးၸတ်းလႆၢးၵၢၼ်၊ လၢႆးလၢတ်ႈၶၢဝ်ႇ၊ လၢႆးႁုပ်ႈၶၢဝ်ႇ၊ လွင်ႈၵၢၼ်တိုဝ်းၵမ် သိုဝ်ႇၶၢဝ်ႇ လႄႈ ၼႃႈတီႈပုၼ်ႈၽွၼ်း ၽူႈၸတ်းလၢႆးၵၢၼ် ၸဵမ်ၸိူဝ်းၼႆႉ။
ယိၼ်းၸူမ်းၶွပ်ႈၸႂ်ထိုင် ၽူႈမႃးပၼ်ပၢင်သွၼ်၊ ၽူႈၶဝ်ႈႁူမ်းပၢင်သွၼ် ၵူႈၵေႃႉယူႇဢေႃႈ။
