မိူဝ်ႈဝၼ်းထီႉ 5 လိူၼ်မေႇ ပီ 2026 ၼၼ်ႉ  ႁူင်းပွႆႇသဵင်မႅပ်ႇ  M AP  Radio  လႆႈၸတ်းပၢင်ႁူပ်ႉထူပ်းၽူႈထွမ်ႇငိၼ်း တီႈဝၢၼ်ႈပူင်ႇယႅင်း၊ ၸေႈတွၼ်ႈ ၵဵင်းမႆႇ တႃႇဢုပ်ႇဢူဝ်းလႅၵ်ႈလၢႆႈ လွင်ႈလၢႆးၵၢၼ် ႁူင်းပွႆႇသဵင်မႅပ်ႇ ရေတီဢူဝ်   လႄႈ ႁပ်ႉထွမ်ႇငိၼ်းၶေႃႈပၼ်တင်းႁၼ်ထိုင်  တီႈၽူႈထွမ်ႇငိၼ်း။  
 
တီႈပၢင် ႁူပ်ႉထူပ်း ၽူႈထွမ်ႇငိၼ်းၼႆႉ မီးႁႅင်းၵၢၼ်ယၢၼ် မိူင်းမွၵ်ႈ 20 ၵေႃႉမႃးၶဝ်ႈႁူမ်ႈ ၊ ၽၢႆႇ ၸဝ်ႈၼႃႈတီႈမႅပ်ႇ (MAP Foundation) လႆႈဢုပ်ႇဢူဝ်း လႅၵ်ႈလၢႆႈ လွင်ႈလၢႆးၵၢၼ်၊ ၶေႃႈမုၼ်းၶၢဝ်ႇငၢဝ်း ဢၼ်ႁႅင်းၵၢၼ် ထုၵ်ႇလီႁူႉ လႄႈ ၶွင်ႉတၢင်းသိုဝ်ႇတူင်ႇၵူၼ်း ဢၼ်ၸုမ်းသိုဝ်ႇမႅပ်ႇ ႁဵတ်းဢွၵ်ႇပိုၼ်ၽႄ ပၼ်တၢင်းႁူႉ တႃႇႁႅင်းၵၢၼ်ယၢၼ်မိူင်း။ 
ဝၢႆးၼၼ်ႉ ၵိၼ်ၶဝ်ႈႁူမ်ႈ တင်းၽူႈထွမ်ႇငိၼ်းယဝ်ႉ သိမ်းပၢင်ႁူပ်ႉထူပ်း ၵႂႃႇၶႃႈဢေႃႈ။