ၶၵ်ႉတွၼ်ႈၵၢၼ်ၸႅင်ႈၵိူတ်ႇလုၵ်ႈဢွၼ်ႇ တႃႇႁႅင်းၵၢၼ်ယၢၼ်မိူင်း

မိူဝ်ႈလႆႈႁပ်ႉၸႅင်ႈ လွင်ႈၵၢၼ်ၵိူတ်ႇလုၵ်ႈဢွၼ်ႇ ၵူၼ်းၼွၵ်ႈမိူင်း ဢမ်ႇၼၼ် ႁႅင်းၵၢၼ်ၼႆ ၸွမ်းၼင်ႇပၵ်းပိူင်ၵၢၼ်ၸႅင်ႈၵိူတ်ႇ မၢႆၾၢင်ၵူၼ်းမိူင်း 1991 မတ်ႉတႃ 23 ၼၼ်ႉ တႅမ်ႈဝႆႉဝႃႈ “မိူဝ်ႈလုၵ်ႈဢွၼ်ႇလႆႈၵိူတ်ႇမႃး မေႃယႃ ဢမ်ႇၼၼ် ၽူႈၵေႃႉၵိူတ်ႇပၼ်လုၵ်ႈဢွၼ်ႇၼၼ်ႉ တေလႆႈႁဵတ်းပၼ်ဝႂ်ႁပ်ႉႁွင်းၵၢၼ်ၵိူတ်ႇ (ဝႂ်ၵိူတ်ႇ) ၸွမ်းၼင်ႇ ၽိုၼ်လိၵ်ႈ ဢၼ်ပဵၼ် လုမ်းၵၢၼ်ၸႅင်ႈၵိူတ်ႇၶဝ်လႆႈမၵ်ႉမၼ်ႈဝႆႉ ဝႂ်ၵိူတ်ႇလုၵ်ႈဢွၼ်ႇ ထေႃးရေႃး 1/1 (ท.ร. 1/1)။ ဝႂ်ၵိူတ်ႇ ထေႃးရေႃး 1/1 (ท.ร. 1/1)ၼႆႉ ပဵၼ်ၽိုၼ်မၢႆတွင်း မႄႈ လႄႈ လုၵ်ႈဢွၼ်ႇဢၼ်ၵိူတ်ႇမႃးၼၼ်ႉသေ တီႈႁူင်းယႃ တေဢွၵ်ႇပၼ်။ ၽိုၼ်လိၵ်ႈၼႆႉ ပဵၼ် တႃႇမၵ်းမၼ်ႈ ပဵၼ်လၵ်းထၢၼ်ၵၢၼ်ၵိူတ်ႇ လုၵ်ႈဢွၼ်ႇ ဝႃႈၵိူတ်ႇတီႈႁူင်းယႃၼၼ်ႉၼၼ်ႉ။ ဝႂ်ၵိူတ်ႇၼႆႉ ဢမ်ႇၸႂ်ႈဝႂ်ၸႅင်ႈၵိူတ်ႇ။ တႃႇတေၸႅင်ႈၵိူတ်ႇလုၵ်ႈဢွၼ်ႇၼၼ်ႉ ၽူႈၼမ်းၼႃႈႁိူၼ်း ပေႃႈ ဢမ်ႇၼၼ် မႄႈ  တေလႆႈဢဝ်ဝႂ်ၵိူတ်ႇ ထေႃးရေႃး 1/1 (ท.ร. 1/1)ၼၼ်ႉၵႂႃႇတၢင်ႇလၢႆးငၢၼ်း ၸႅင်ႈၵိူတ်ႇတီႈဢမ်းၽိူဝ်း။

မၢႆတွင်း - သင်ဝႃႈ ပေႃႈမႄႈ ပဵၼ်ၵူၼ်းၼွၵ်ႈမိူင်း၊ ႁႅင်းငၢၼ်း ၶဝ်ႈမိူင်းထႆးလူၺ်ႈ ဢမ်ႇမီးဝတ်းဝႂ်ၼႆ၊ ဝႂ်ၵိူတ်ႇလုၵ်ႈဢွၼ်ႇၼၼ်ႉ တေပဵၼ် ထေႃးရေႃး 031 (ท.ร. 031) လႄႈ တူဝ်ၼပ်ႉမၢႆၾၢင်လုၵ်ႈဢွၼ်ႇ တေတႄႇတီႈ 0။

လုၵ်ႈဢွၼ်ႇၸိူဝ်းၵိူတ်ႇၼႂ်းမိူင်းထႆးၵူႈၵေႃႉ တၵ်ႉတေလႆႈၸႅင်ႈၵိူတ်ႇ

ၽွၼ်းလီဝႂ်ၵိူတ်ႇ

1. လုၵ်ႈဢွၼ်ႇမီးဝႂ်ၵိုၵ်းတူဝ်ၸဝ်ႈၵဝ်ႇ၊ မီးၸိုဝ်ႈယူႇၼႂ်းထၢၼ်ၶေႃႈမုၼ်းလူင်ပွင်ၸိုင်ႈထႆး
2. သိုဝ်ႉဝႂ်ႁပ်ႉႁွင်းပၢႆးယူႇလီလႆႈ (ပေႃႈမႄႈယိပ်းဝႂ်ၽၢတ်ႉသ်ပွတ်ႇ)
3. ၶဝ်ႈႁူင်းႁဵၼ်းငၢႆႈ
4. ၸႂ်ႉพ.ร.บ รถ လႆႈ၊ ႁဵတ်းပရႃၵၼ်ႊၾႆးလႆႈ၊ ႁဵတ်းပရႃၵၼ်ႊမိူဝ်ႈတႆၢလႆႈ
5. သင်မီးပရႃၵၼ်ႊသင်ၶူမ်း တေလႆႈႁပ်ႉငိုၼ်းၵမ်ႉထႅမ်လုၵ်ႈဢွၼ်ႇ
6. တၢင်ႇယွၼ်းဝႂ်ၵိုၵ်းတူဝ်ၵူၼ်းထႆးလႆႈ (တၢင်ႇယွၼ်းသၢၼ်သျၢတ်ႉထႆးလႆႈ ၸိူဝ်းပေႃႈမႄႈမီးဝႂ် 10 ပီ၊ ဝႂ်ပိုၼ်ႉတီႈသုင်)

ဢေႇၵသၢၼ် ဢၼ်တေလႆႈႁၢင်ႈႁႅၼ်း ၵွၼ်ႇတေၵႂႃႇၸႅင်ႈၵိူတ်ႇ

1. ဝႂ်ၵိုတ်းတူဝ်ပေႃႈမႄႈ၊ ဝႂ်သဵၼ်းမၢႆႁူဝ်ႁိူၼ်း လႄႈ ဝႂ်ၶႂၢင်ႉႁဵတ်းၵၢၼ်
2. ဝႂ်ၼၢႆးၸၢင်ႈ၊ ဝႂ်သဵၼ်ႈမၢႆႁူဝ်ႁိူၼ်းၼၢႆးၸၢင်ႈ
3. ဝႂ်သဵၼ်မႆၢႁူဝ်ႁိူၼ်း တီႈဢၼ်တေဢဝ်လုၵ်ႈဢွၼ်ႇသႂ်ႇ (သင်ဝႃႈၵိူတ်ႇတီႈႁိူၼ်း)
4. ဝႂ် ထေႃးရေႃး 1/1 (ท.ร. 1/1 ပေႃးၵိူတ်ႇတီႈ ႁူင်းယႃ)
5. ဝႂ်ပိၼ်ႇၽႃႇသႃႇ ဝႂ်ၼူဝ်ႊထရီႇ(ပေႃႈမႄႈယိပ်းဝႂ်ၽၢတ်ႉသ်ပွတ်ႇ)
6. တၢင်ႇၸိုဝ်ႈလုၵ်ႈဢွၼ်ႇဝႆႉဢွၼ်တၢင်း
7. ပေႃႈလႄႈမႄႈ ဢမ်ႇမီးဝႂ်သင်သေမဵဝ်းၵေႃႈ ၸႅင်ႈၵိူတ်ႇလႆႈ (ပေႃး ပေႃႈမႄႈ ၵေႃႉလႂ်ၵေႃႉၼိုင်ႈ မီးဝႂ် 10 ပီ၊ မီးဝႂ်ပိုၼ်ႉတီႈသုင်ၼႆ တေလႆႈမီးသၢၵ်ႈသေႇ 2 ၵေႃႉ။ ၵူၺ်းၵႃႈ မၢင်ပိုၼ်ႉတီႈၵေႃႈဢမ်ႇလူဝ်ႇ)

ဢေႇၵသၢၼ်ဢၼ်တေလႆႈႁၢင်ႈႁႅၼ်း မိူဝ်ႈၵႂႃႇတီႈႁူင်းယႃ

1. ဝႂ်ၵိုၵ်းတူဝ်ပေႃႈမႄႈ၊ ဝႂ်သဵၼ်ႈမၢႆႁူဝ်ႁိူၼ်း လႄႈ ဝႂ်ၶႂၢင်ႉႁဵတ်းၵၢၼ်
2. ဝႂ်ၼၢႆးၸၢင်ႈ၊ ဝႂ်သဵၼ်းမၢႆႁူဝ်ႁိူၼ်းၼၢႆးၸၢင်ႈ
3. ပပ်ႉၽၢၵ်ႇတွင်ႉ ဢဝ်တၢင်ႇၼႄၸဝ်ႈၼႃႈတီႈ
4. တေလႆႈဝႂ်ႁပ်ႉႁွင်းၵၢၼ်ၵိူတ်ႇ
5. ဝႂ်ပိၼ်ႇၽႃႇသႃႇ (ပေႃးယိပ်းၽၢတ်ႉသ်ပွတ်ႇ)

.

ဢေႇၵသၢၼ်ဢၼ်တေလႆႈႁၢင်ႈႁႅၼ်း မိူဝ်ႈၵႂႃႇၸႅင်ႈတီႈ လုမ်းဢုပ်ႉပိူင်ႇ (ဢမ်းၽိူဝ်း)

1. ဝႂ်ၵိုၵ်းတူဝ်ပေႃႈမႄႈ၊ ဝႂ်သဵၼ်ႈမၢႆႁူဝ်ႁိူၼ်း လႄႈ ဝႂ်ၶႂၢင်ႉႁဵတ်းၵၢၼ်
2. ဝႂ်ၼၢႆးၸၢင်ႈ၊ ဝႂ်သဵၼ်ႈမၢႆႁူဝ်ႁိူၼ်းၼၢႆးၸၢင်ႈ
3. ဝႂ်ႁပ်ႉႁွင်းၵၢၼ်ၵိူတ်ႇတီႈႁူင်းယႃ
4. ဝႂ်ပိၼ်ႇၽႃႇသႃႇ (ပေႃးယိပ်းၽၢတ်ႉသ်ပွတ်ႇ)
5. တၢင်ႇၸိုဝ်ႈလုၵ်ႈဢွၼ်ႇဝႆႉဢွၼ်တၢင်း
6. သၢၵ်ႈသေႇ လၵ်းထၢၼ် (ပေႃး ပေႃႈမႄႈၵေႃႉၼိုင်ႈ မီးဝႂ် 10 ပီ၊ မီးဝႂ်ပိုၼ်ႉတီႈသုင်)
7. လုမ်းဢုပ်ႉပိူင်ႇ (ဢမ်းၽိူဝ်း) တေဢွၵ်ႇပၼ်ဝႂ်ၵိူတ်ႇ။